શ્રીનાથજી દર્શન

હરિ ઔમ

શ્રીનાથજી દર્શન

અહો, ધન્ય થયો આજ તુજ દર્શને
નિહાળી રવિકિરણ આપનામુખારવિન્દે;

તેજોમય થઇ રહ્યું મુખ શ્રીનાથજી
શોભી રહ્યા કાનના કુંડળ ને મુગુટજી;

થયા નયન સ્થિર, મંગલા દર્શને
આનંદ અનેરો વ્યાપી રહ્યો મનડે;

સદા રહો, મનમાં આ છબી તમારી
પ્રસન્નતાથી ભરી રહે, મારી જીંદગાની;

યાચી રહ્યો આજ પ્રભુ, તુજ પાસે
ભાવ અને ભક્તિ રહો મુજ હૃદયે.

[સોલા ભાગવત વિદ્યાપીઠમાં મંગલા
દર્શન વખતે સૂર્ય કિરણ શ્રીનાથજી પર જોતા.]

ડો. સુધીર સી. મોદી
તા. ૫-૨-૨૦૧૨